Pejë, protestuesit lyejnë me ngjyrë të kuqe këpucët e policisë

Këpucët e zyrtarëve policorë janë lyer me ngjyrë të kuqe gjatë protestës në Pejë, në shenjë revolte pas vrasjes së 49-vjeçares Arlinda Zekaj. Pamjet nga vendi i ngjarjes shfaqin këpucët e policëve të lyera, ndërsa qytetarët e mbledhur kërkojnë drejtësi për viktimën dhe llogaridhënie nga institucionet përgjegjëse.

Kjo protestë vjen si pasojë e krimit të rëndë të ndodhur më 25 tetor në Vitomiricë të Pejës, ku Arlinda Zekaj u vra nga kunati i saj, Albert Sylaj. Ngjarja ka nxitur reagime të shumta publike, duke ngritur kritika të ashpra ndaj institucioneve për mënyrën e trajtimit të rastit dhe për dështimin në mbrojtjen e saj.