Çfarë reforma kërkon Paçuku për të ndalur largimin e të rinjve?

SHKUP — Ylli Paçuku nga BDI foli për emigrimin e të rinjve nga Maqedonia e Veriut në emisionin "Debat në Shenja", duke e cilësuar atë "një nga sfidat më të rëndësishme" me të cilat përballet shoqëria. Sipas tij, institucionet duhet të angazhohen drejtpërdrejt për ta ulur këtë nivel.

Paçuku theksoi se largimi i të rinjve kërkon reforma të brendshme dhe politika që krijojnë kushte më të mira për jetesë dhe zhvillim profesional. Integrimi evropian, shtoi ai, mund të ketë ndikim: në disa vende është vërejtur kthimi i qytetarëve pas anëtarësimit në BE.

BDI-ja, theksoi Paçuku, e sheh integrimin evropian si një nga mekanizmat që mund të kontribuojë në krijimin e perspektivës më të mirë për të rinjtë dhe në zvogëlimin e emigrimit. Partia punon aktivisht në këtë drejtim, sipas deklaratës së tij në emision.

"Ne duhet të mundohemi që ikja e të rinjëve të jetë sa më e ulët. Mendoj se shteti duhet të punojë në reforma të brendshme. Rinia në shumë vende është kthyer pas antarësimit në BE, prandaj edhe BDI punon në këtë drejtim", tha Paçuku.

Burim: Almakos
— Redaksia ZHURMA