OVL-UÇK pas protestës në Prishtinë: Populli s’do të ndalet së kërkuari drejtësi

Organizata e Veteranëve të Luftës së UÇK-së ka reaguar pas protestës së mbajtur në Prishtinë në mbështetje të ish-krerëve të Ushtrisë Çlirimtare të Kosovës, pas vendimit të Dhomave të Specializuara në Hagë. OVL-UÇK-ja ka falënderuar të gjithë qytetarët dhe pjesëmarrësit në këtë protestë.

Përmes një postimi, Organizata ka shprehur mirënjohje duke theksuar se kërkesa për drejtësi dhe të vërtetën për Ushtrinë Çlirimtare të Kosovës do të vazhdojë. “Faleminderit, shqiptarë! Ky popull nuk do të ndalet së kërkuari drejtësi për UÇK-në, deri në vendosjen e drejtësisë dhe të së vërtetës”, thuhet në reagimin e OVL-UÇK-së.