Ekipi Medial: Hashim Thaçi rikthen publikimet në Facebook dhe X
Profilët zyrtarë të ish-presidentit do të rifillojnë publikimin e materialit arkivor pa përfshirë komente për zhvillimet aktuale.
Redaksia ZHURMA · · Përditësuar · 2 min lexim
Ekipi Medial i ish-presidentit të Kosovës, Hashim Thaçi, ka njoftuar se do të rifillojë publikimet në profilet e tij zyrtare në rrjetet sociale Facebook dhe X. Përmes këtyre platformave do të shpërndahen materiale nga arkivi që dokumentojnë veprimtarinë politike dhe institucionale të tij gjatë ushtrimit të funksioneve si kryeministër dhe president i Republikës së Kosovës deri në përfundimin e mandatit në vitin 2020.
Sipas njoftimit të publikuar nga ekipet mediale, postimet do të përmbajnë fotografi, video, dokumente, fjalime, deklarata, vizita zyrtare, si dhe takime shtetërore e ndërkombëtare. Administrimi i llogarive dhe përzgjedhja e materialeve do të kryhen nga ekipi përkatës, i cili ka theksuar se përmbajtjet do të kenë karakter dokumentues dhe nuk do të shoqërohen me komente apo qëndrime për zhvillimet e tanishme politike, duke shërbyer si një arkiv publik për historinë institucionale të vendit.
Siç raportoi Zhurma më 18 tetor 2026, Menduh Thaçi kishte deklaruar se vendimi ndaj ish-presidentit nuk erdhi për krime, ndërsa Dhomat e Specializuara kishin caktuar seancën për shpalljen e aktgjykimit.
