Çfarë akuzoi Osmani në mitingun përmbyllës në Prishtinë?

PRISHTINË — Presidentja Vjosa Osmani ka lëshuar akuza të rënda ndaj modelit aktual qeverisës gjatë fjalimit përmbyllës të fushatës në Sheshin "Skënderbeu", përpara mijëra qytetarëve. Kandidatja e LDK-së për mandatin e dytë presidencial e cilësoi politikën e tanishme si "sistem të ndërtuar mbi mure, përçarje dhe tendenca të rrezikshme për kontroll të plotë ndaj shtetit".

"Kemi parë një politikë që nuk ka vizion tjetër pos një kontrolli të plotë", deklaroi Osmani, duke shtuar se "kjo politikë e frikës, e përçarjes dhe e arrogancës duhet të mbetet përgjithmonë pas nesh". Ajo bëri thirrje për mobilizim masiv për të ndalur cenimin e rendit demokratik, duke rikujtuar se "Republika e Kosovës nuk u ndërtua për t'u kthyer në pronë politike të kujtdo".

Osmani pati mesazhe direkte për rivalët që "projektuan fundin e Lidhjes Demokratike të Kosovës", duke bërë të qartë se "LDK-ja nuk është ngritur mbi pushtetin por mbi besimin e njerëzve, prandaj nuk shuhet asnjëherë". Ajo theksoi se "sa herë që i kanë nënvlerësuar, kanë triumfuar dhe jemi ringritur më të fortë".

Burim: Telegrafi
— Redaksia ZHURMA