Si i ka ndikuar Qeveria njohjeve të Kosovës sipas Osmanit?
Ish-presidentja thotë se ka pasur mbështetje të SHBA-së dhe Turqisë, por jo nga qeveria e vendit.
PRISHTINË — Ish-presidentja Vjosa Osmani ka deklaruar se njohjet e reja të Kosovës janë meritë e Presidencës, duke e cilësuar si "punë ekipore" me mbështetjen e Shteteve të Bashkuara të Amerikës dhe Turqisë.
Në emisionin "Rubikon" të Klan Kosova, Osmani tha se institucioni i Presidencës ka bashkëpunuar me "miq e dashamirë anë e kënd botës", përfshirë shoqërinë civile dhe njerëz vullnet-mirë.
Mirëpo, ajo shtoi se nuk ka pasur mbështetje nga qeveria e vendit. "Absolutisht jo, në asnjë moment, përkundrazi kemi pasur pengesa dhe kjo është për keqardhje", deklaroi Osmani.
Burim: Gazeta Express, https://www.gazetaexpress.com/osmani-per-njohjet-e-kosoves-merite-e-presidences-nga-qeveria-kemi-pasur-pengesa/
— Redaksia ZHURMA