Zelensky shpalos dy prioritetet e Ukrainës në bisedimet e paqes

Volodymyr Zelensky ka marrë raportin e ekipit të tij për bisedimet trepalëshe të zhvilluara në Abu Dabi, ku u bënë përgatitje për një tjetër shkëmbim të të burgosurve. Sipas udhëheqësit ukrainas, çështja e parë e diskutuar janë garancitë e sigurisë, të cilat ai i ka quajtur hap të domosdoshëm për t'i dhënë fund luftës. Ndërkohë, në fokus kanë qenë edhe formatet më të gjera për rolin e Evropës dhe aleatëve kryesorë të Kievit.

Ndërsa bisedimet po zhvilloheshin në Abu Dabi, Zelensky i është drejtuar parlamentit danez, ku ka vlerësuar unitetin evropian përballë Rusisë. Ai u shpreh se Evropa është mjaftueshëm e bashkuar dhe e fortë për të mbrojtur interesat e veta, duke shtuar se ekziston mundësia që ajo të shndërrohet në një aktor të vërtetë global. Ai gjithashtu falënderoi deputetët danezë për vëmendjen e vazhduar ndaj Ukrainës dhe përfundoi fjalimin e tij me thirrjen e njohur “Slava Ukraini”, duke marrë duartrokitje në këmbë.

Sa i takon agjendës për këtë javë, të dërguarit e Donald Trumpit pritet të udhëtojnë sërish në Rusi, kurse të enjten do të zhvillojnë një takim të radhës me ekipet ukrainase në Dublin.