Vazhdo leximin
⌕ ☆
Kronikë

Operacioni “Dark Capital”: Sekuestrohen mbi 10 milionë euro pasuri

Policia e Tiranës finalizon operacionin pasuror ndaj 51-vjeçarit të dyshuar për veprimtari të ndryshme kriminale, ku bie në shënjestër edhe sektori farmaceutik.

Redaksia ZHURMA · · 2 min lexim

TIRANË — Policia e Tiranës ka finalizuar operacionin e koduar “Dark Capital” në kuadër të një hetimi pasuror, duke sekuestruar pasuri me vlerë mbi 10 milionë euro në pronësi të një 51-vjeçari dhe personave të lidhur me të. Gjatë këtij operacioni të zhvilluar nga Seksioni për Hetimin e Pastrimit të Parave dhe Aseteve Kriminale në bashkëpunim me Prokurorinë e Tiranës, është ekzekutuar vendimi i Gjykatës së Tiranës për pasuritë e shtetasit I. Sh., alias I. P.

Operacioni “Dark Capital”: Sekuestrohen mbi 10 milionë euro pasuri
Foto: euronews.al

Sipas njoftimit të policisë, mes pasurive të sekuestruara përfshihen 20 pasuri të paluajtshme, ku 14 janë në emër të 51-vjeçarit dhe 6 në emër të bashkëshortes së tij, shtetases H. Sh. Po ashtu, janë sekuestruar 6 subjekte tregtare, përfshirë biznese në sektorin farmaceutik, si dhe 8 automjete, të cilat do të kalojnë në administrimin e Agjencisë së Administrimit të Pasurive të Sekuestruara dhe të Konfiskuara.

Nga hetimet e kryera dyshohet se 51-vjeçari është përfshirë ndër vite në veprimtari të ndryshme kriminale, ndër të cilat përmenden trafikimi i narkotikëve, shfrytëzimi i prostitucionit, rrëmbimi dhe heqja e paligjshme e lirisë, si dhe përfitimi i mallrave të vjedhura. Materialet procedurale i janë referuar Prokurorisë për veprime të mëtejshme në Tiranë.

Lexo edhe

Më shumë →
Facebook WhatsApp X
Gjeni një gabim? Na shkruani dhe e korrigjojmë
LIVE Deçan 19 kamera →

Koleksione · të dhëna të verifikuara

Vazhdo me më të lexuarat sot

Përditësuar

  1. KEDS: Ndërprerje të rrymës të mërkurën për shkak të punimeve

    27% e leximeve arrijnë 75% të artikullit kronike

  2. Arrestohet i dyshuari për vrasjen në Suharekë

    36% e leximeve arrijnë 75% të artikullit kronike

Pyet Zhurmën
Shërbime, enciklopedi dhe lajme