Noti i Kosovës përmbyllet në Taranto, Bejiqi më e mira
Ekipi kosovar i notit përfundoi garimin në Lojërat Mesdhetare, me Hana Bejiqin si notaren me rezultatin më të mirë.
Ekipi kosovar i notit e ka përmbyllur garimin në Lojërat Mesdhetare Taranto 2026. Në ditën e fundit të konkurrimit, në garë dolën katër notarë: Hana Bejiqi, Riga Shala, Erina Idrizaj dhe Dior Krasniqi.
Bejiqi u rendit e 13-ta nga 22 garuese në 50 metra stil i lirë, me kohën 26.72 sekonda, duke i munguar 83 të qindtat e sekondës për finalen. Shala përfundoi e 22-ta në të njëjtën disiplinë me 28.11 sekonda, ndërsa Krasniqi u rendit i 19-ti te meshkujt me 24.97 sekonda. Idrizaj garoi në 100 metra shpinë me kohën 1:08.56, pa u kualifikuar në finale.
Me këto rezultate, Kosova e mbyll pjesëmarrjen në not në këto Lojëra. Paraqitja vlerësohet relativisht e mirë duke marrë parasysh kushtet e infrastrukturës së notit në Kosovë, ndërsa përvoja e fituar konsiderohet e rëndësishme për zhvillimin e notarëve.