Mërgata në Belgjikë kërkon lobim evropian për ish-krerët e UÇK-së

Shqiptarët e mërgatës në Belgjikë kanë protestuar kundër aktgjykimit të Gjykatës Speciale ndaj ish-krerëve të Ushtrisë Çlirimtare të Kosovës. Organizatori i protestës, Ismet Ademi, gjatë një paraqitje televizive, ka theksuar se përveç protestave dhe aktiviteteve të tjera, duhet të nisë edhe lobimi në institucionet evropiane për këtë çështje.

Ademi ka bërë të ditur se synohet që të zhvillohen takime me deputetë të Parlamentit Evropian dhe me përfaqësues të Komisionit Evropian, me qëllim që të tregohet se ky gjykim ndaj çlirimtarëve është i padrejtë dhe të shtyhet çështja përpara përmes angazhimeve të ndryshme.