Nis pastrimi i deponisë në Radushë pranë burimit të Rashçes

SHKUP — Ka nisur pastrimi me mekanizim i deponisë së rrezikshme në vendbanimin Radushë, e cila konsiderohet se përbën kërcënim për mjedisin dhe burimin e ujit të Rashçes, njoftoi mbrëmë kryetari i Komunës së Sarajit, Muhamed Elmazi.

Aksioni vjen pas publikimit të një videoje dhe reagimeve të ashpra në publik lidhur me gjendjen e deponisë. Elmazi bëri të ditur se ndërhyrja po ndërmerret në bashkëpunim me Qytetin e Shkupit, si vazhdimësi e përpjekjeve për largimin e deponive të egra dhe sigurimin e hapësirave më të pastra për qytetarët.