Pse u tërhoq Neymar nga Kombëtarja e Brazilit?
34-vjeçari konfirmoi vendimin pas humbjes 2-1 ndaj Norvegjisë në 1/8 e finales së Kupës së Botës
— Neymar ka njoftuar tërheqjen e tij nga futbolli ndërkombëtar, duke i dhënë fund një karriere të jashtëzakonshme me Kombëtaren e Brazilit. Edhe pse Brazili u eliminua, Neymar arriti të gjejë rrugën e golit në paraqitjen e tij të fundit, duke realizuar nga pika e bardhë në minutat e fundit të ndeshjes. Sulmuesi largohet si golashënuesi më i mirë në historinë e Kombëtares së Brazilit, me 80 gola në 129 paraqitje.
Ai përfaqësoi vendin e tij në katër Kupa Botërore dhe në shumë turne të mëdha, duke u shndërruar në një nga figurat më ikonike të futbollit brazilian. Trajneri Carlo Ancelotti e kishte rikthyer Neymarin në ekip për Kupën e tij të katërt të Botës, pas një mungese trevjeçare nga kombëtarja, duke i ofruar një mundësi të fundit për të fituar trofeun më të madh në futboll.
Me largimin e Neymarit, Brazili i jep lamtumirën një prej lojtarëve më të mëdhenj të historisë së tij dhe mbyllet zyrtarisht një epokë e artë për “Seleçao”.
Burim: Telegrafi, https://telegrafi.com/fundi-i-nje-epoke-neymar-terhiqet-nga-kombetarja-e-brazilit
— Redaksia ZHURMA