Afërdita Bytyqi zgjidhet zëvendëskryesuese e KGJK-së
Gjyqtarja e Gjykatës së Apelit, Afërdita Bytyqi, është zgjedhur zëvendëskryesuese e Këshillit Gjyqësor të Kosovës.
Redaksia ZHURMA · · 1 min lexim
Këshilli Gjyqësor i Kosovës ka zgjedhur gjyqtaren e Gjykatës së Apelit, Afërdita Bytyqi, në pozitën e zëvendëskryesueses së Këshillit.
Bytyqi është zgjedhur me gjashtë vota nga anëtarët e KGJK-së, ndërsa për këtë pozitë kishte kandiduar edhe gjyqtari Artan Abazi, i cili ka marrë pesë vota.
Para anëtarëve të Këshillit, Bytyqi ka shprehur falënderim për besimin e dhënë dhe është zotuar se do të kontribuojë në avancimin e sistemit të drejtësisë.
