Në kërkim drejtuesi pas vdekjes në spital të 83-vjeçarit të aksidentuar në Elbasan
Selman Bardhi ndërroi jetë në spital pasi u përplas nga një automjet teksa lëvizte në këmbë në aksin Elbasan-Librazhd.
Redaksia ZHURMA · · Përditësuar · 1 min lexim
ELBASAN — Selman Bardhi, 83-vjeçari që u përplas mbrëmjen e së hënës nga një automjet në fshatin Mëngël, ka ndërruar jetë në spital si pasojë e plagëve të marra. Aksidenti ndodhi në zonën e ish-Parkut të Rezervave të Shtetit, ndërsa i moshuari po lëvizte në këmbë në aksin Elbasan-Librazhd.
Pas përplasjes, ai u transportua me urgjencë në spitalin e Elbasanit në gjendje të rëndë, por nuk mundi t'u mbijetojë plagëve. Drejtuesi i mjetit u largua menjëherë nga vendngjarja, ndërsa policia po punon për identifikimin, kapjen e tij dhe zbardhjen e plotë të rrethanave.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar