Prishtina: ndryshon regjimi i qarkullimit në rrugën Tirana
Komuna e Prishtinës ndryshon organizimin e lëvizjes në lagjen Lakërishtë, me një kah dhe dy shirita nga 4 gusht.
PRISHTINË — Komuna e Prishtinës ka njoftuar se nga data 4 gusht ndryshon regjimi i qarkullimit në rrugën "Tirana", në lagjen Lakërishtë. Sipas njoftimit, nga rruga "Dritan Hoxha" drejt rrethrrotullimit të Lakërishtës do të jetë një kah i lëvizjes, ndërsa nga rrethrrotullimi i Lakërishtës drejt rrugës "Dritan Hoxha" do të jenë dy shirita të lëvizjes.
Komuna e Prishtinës i ka bashkëngjitur njoftimit edhe një video që paraqet organizimin e ri të qarkullimit dhe drejtimet e lëvizjes në këtë segment. Komuna ka bërë thirrje që qytetarët ta respektojnë sinjalizimin e ri, për një qarkullim sa më të sigurt dhe të rregullt.
Burim: Epoka e Re
— Redaksia ZHURMA
