Ndihmat sociale dhe pensionet, pritet të lëshohen deri të premten
Pse janë ende minimale pagesat përballë shtrenjtimit të jetesës?
SHKUP — Qytetarët në Maqedoninë e Veriut do të kenë mjetet për ndihmat sociale dhe pensionet në llogaritë e tyre bankare më së voni deri të premten. Ministria e Politikës Sociale konfirmoi se procedurat administrative kanë përfunduar dhe udhëzimet për pagesë janë firmosur tashmë nga udhëheqësia e ministrisë.
Dokumentet për ekzekutim janë dërguar në Trezorin e shtetit për transferim teknik. Vonesa e këtyre ndihmave sociale ka shkaktuar reagime të qytetarëve në ditët e fundit, veçanërisht sepse pagesat janë tepër minimale për të përballuar shtrenjtimin e jetesës në vend.
Kategoritë e ndryshme të qytetarëve që varen direkt nga këto të ardhura kanë pritur për periudhë të gjatë. Sapo të përfundojë transferimi teknik, mjetet do të kalojnë në llogaritë rrjedhëse të qytetarëve nëpër bankat komerciale.
Burim: Tetova Sot
— Redaksia ZHURMA