Ndahen 15 milionë euro për faturat e energjisë së familjeve në nevojë

Ministria për Punë, Familje dhe Vlerat e Luftës Çlirimtare ka njoftuar se ministri Andin Hoti ka nënshkruar vendimin që përcakton kushtet dhe kriteret për përfitimin nga Programi për Mbrojtjen e Konsumatorëve të Cenueshëm të Energjisë Elektrike për periudhën 2026–2027.

Sipas njoftimit zyrtar, vendimi përcakton kriteret për përfitim, mënyrën e aplikimit, llogaritjen dhe pagesën e subvencionit, si dhe procedurat për shqyrtimin e aplikacioneve dhe verifikimin e të dhënave të aplikuesve. Për zbatimin e programit, Qeveria ka ndarë 15 milionë euro, me qëllim që të mbështeten familjet që kanë më së shumti nevojë për ndihmë në përballimin e faturave të energjisë elektrike.

Thirrja për aplikim do të hapet së shpejti.