Musliu: Vjedhni sa të mundni, veç liroje çmimin e rrymës
Deputetja Ganimete Musliu kritikon ashpër ministren Artane Rizvanolli në Kuvend për energjinë elektrike.
Redaksia ZHURMA · · Përditësuar · 1 min lexim
Gjatë një debati në Kuvendin e Kosovës për furnizimin me energji elektrike, deputetja e Partisë Demokratike e Kosovës, Ganimete Musliu, ka përdorur gjuhë të ashpër ndaj ministres së Ekonomisë, Artane Rizvanolli. Ajo ka thënë se ndërsa në Kuvend diskutohet për këtë çështje, shumë fshatra të vendit vazhdojnë të përballen me mungesë të rrymës.
Musliu ka deklaruar se nuk po i kërkon ministres të mos vjedhë, por kërkon prej saj që të garantojë furnizim të rregullt dhe të ulë çmimin e energjisë për qytetarët që janë ngarkuar nga pagesat. «E nderuara ministre, vjedhni sa të mundni. Ajo çka po të them unë ty sot e për çfarë po kërkoj prej teje sot, a kanë me pasë qytetarët rrymë edhe a ka me u liru çmimi se u mbytën tu pagu. Jam dalë me të thanë garanto furnizim me rrymë 100 % për dimër. Liroje çmimin e rrymës», është shprehur ajo.
Deputetja ka shtuar gjithashtu se nuk pranon justifikime boshe nga zyrtarët qeveritarë që mbajnë poste ministeriale që nga viti 2020, duke përmendur ministrat Xhelal Sveçla dhe Hekuran Murati.
