Vazhdo leximin
⌕ ☆
Ekonomi

Muharemi: Pensionistët do të kenë më shumë para me buxhetin e 2027-ës

Këshilltari socialist deklaron se masat e reja buxhetore do të ulin shpenzimet familjare për pensionistët.

Redaksia ZHURMA · · 2 min lexim

Këshilltari i Partisë Socialiste në Bashkinë e Tiranës, Alfred Kika Muharemi, i ftuar në emisionin «Off the Record» në A2CNN, ka deklaruar se pensionistët do të përfitojnë më shumë të ardhura dhe lehtësim të shpenzimeve përmes masave të parashikuara në buxhetin e vitit 2027. Sipas tij, kombinimi i rritjes së pensioneve, indeksimit, uljes së TVSH-së për produktet e shportës dhe rimbursimit të barnave do të ndikojë drejtpërdrejt në buxhetin e familjeve në pension.

Muharemi: Pensionistët do të kenë më shumë para me buxhetin e 2027-ës
Foto: javanews.al

Duke folur për shifrat, ai argumentoi se një pensionist që shpenzon 20 mijë lekë të reja në muaj për ushqime do të ketë një rënie të kostos me 6 mijë lekë të reja, ndërsa dyfishimi i pensionit së bashku me indeksimin shtojnë 3700 lekë. «Nëse një pensionist bën konsum 20 mijë lekë të reja për ushqim, automatikisht me buxhetin e ri të 2027-ës ka direkt rënie 6 mijë lekë të reja. I ka kursim. Marrim edhe dyfishimin bashkë me indeksimin, që është 3700 lekë, do ta ketë plus 10 mijë lekë të reja», u shpreh ai.

Këshilltari shtoi se kursimet do të prekin edhe fushën e energjisë dhe derivateve. «Do të marrim edhe uljen e konsumit, edhe për gazin apo për naftën që mund t'i përdorë për shtëpi, që japin efekte prodhimi, do të kemi prapë një rënie 3 mijë lekë të reja», deklaroi Muharemi, duke shtuar se bashkë me rimbursimin e barnave, kursimi total arrin në 11 deri në 12 mijë lekë të reja më pak se shpenzimet aktuale.

Lexo edhe

Më shumë →
Facebook WhatsApp X
Gjeni një gabim? Na shkruani dhe e korrigjojmë
LIVE Fushë Kosova Fushë Kosovë 24 kamera →

Koleksione · të dhëna të verifikuara

Vazhdo me më të lexuarat sot

Përditësuar

Pyet Zhurmën
Shërbime, enciklopedi dhe lajme