Kuvendi i RMV-së voton fazën e parë të Ligjit për lojërat e fatit
Si do të realizohet kufizimi i lojërave të fatit dhe largimi i tyre nga shkollat?
SHKUP — Kuvendi i Maqedonisë së Veriut ka votuar fazën e parë të ndryshimeve në Ligjin për lojërat e fatit. Sipas bashkëkryetarit të koalicionit VLEN, Izet Mexhiti, ky hap shënon fillimin e një kufizimi të vërtetë institucional të bixhozit dhe mbrojtjen e familjeve nga pasojat e tij.
Mexhiti theksoi se qëllimi kryesor i këtyre ndryshimeve ligjore është largimi i lojërave të fatit nga fëmijët dhe objektet shkollore. Ai e cilësoi këtë nismë si një detyrim njerëzor, familjar dhe moral për të parandaluar përhapjen e pakontrolluar të bixhozit në shoqëri.
Miratimi i plotë i ligjit pritet të përmbushë një prej premtimeve më domethënëse të koalicionit VLEN. Sipas Mexhitit, ky ligj do t'u japë fund pasojave të rënda dhe varfërimit të mijëra familjeve nga kjo dukuri.
Burim: Telegrafi
— Redaksia ZHURMA