Pse kërkon Ministrja serbe falje?

— Blerta Deliu, deputetja e PDK-së, ka reaguar ndaj deklaratës së ministres serbe, duke thënë se fakti që ajo deklaroi publikisht se do ta kishte “spastruar etnikisht Kosovën” dhe më pas kërkoi falje vetëm para presidentit serb, Aleksandar Vuçiq, nuk mund të konsiderohet si një “gabim personal”.

Sipas Deliut, një veprim i tillë përbën një shfaqje të një mentaliteti që, sipas saj, vazhdon të refuzojë përballjen me të vërtetën dhe përgjegjësinë për të kaluarën. “Nuk iu kërkua viktimave e as familjeve që prej vitesh kërkojnë eshtrat e më të dashurve. Nuk iu kërkua Kosovës, e cila mbart plagët e një lufte të shkaktuar nga politika e spastrimit dhe dhunës.”

Falja iu kërkua pushtetit, sepse shqetësimi nuk ishte krimi i glorifikuar, por dëmi ndaj imazhit politik. Kjo është arsyeja pse deklarata të tilla nuk mund të kalohen si “gabime personale”. Ato kërkojnë përgjegjësi dhe reagim të qartë.

Kush justifikon, minimizon idetë e spastrimit etnik, nuk duhet të ketë vend në institucione që pretendojnë të ndërtojnë paqe dhe marrëdhënie normale, ka shkruar ajo në Facebook.

Burim: Ekonomia Online, https://ekonomiaonline.com/blerta-deliu-ministrja-serbe-kerkoi-falje-vetem-para-vuciqit-shqetesimi-ishte-demi-ndaj-imazhit-publik-e-jo-te-krimi-i-glorifikuar/

— Redaksia ZHURMA