Pse Milanoviq e quan të papërgjegjshme retorikën e Vuçiqit për aleancën shqiptaro-kroate?
Presidenti kroat e quan 'të papërgjegjshme' retorikën e homologut serb për një sulm të mundshëm ushtarak.
ZAGREB — Presidenti i Kroacisë, Zoran Milanoviq, ka akuzuar homologun serb Aleksandar Vuçiq se po e frikëson popullin e vet me pretendime për një aleancë ushtarake shqiptaro-kroate kundër Serbisë. “Do të ishte komike nëse nuk do të ishte shqetësuese”, tha Milanoviq në një akademi solemne me rastin e Ditës së Forcave të Armatosura të Kroacisë.
Milanoviq shtoi se qytetarët serbë pyesin nëse këto deklarata janë të vërteta, duke e quajtur sjelljen e Vuçiqit “të papërgjegjshme”. “E bëj për njerëzit tanë, dhe pjesërisht edhe për serbët, që të kuptojnë se për çfarë lloj sjelljeje joserioze bëhet fjalë”, deklaroi ai.
Retorika e Vuçiqit për një aleancë kundër Serbisë u forcua pasi ministri i Mbrojtjes së Kroacisë, Ivan Anushiq, vitin e kaluar nënshkroi deklaratë bashkëpunimi në siguri me homologët nga Shqipëria dhe Kosova.
Burim: Zëri
— Redaksia ZHURMA