Shqiptarja Mikela Skandaj fiton argjend bote në karate me fanellën e Italisë
Sportistja lezhjane garoi te 60 kg U16-U17 në Cluj-Napoca të Rumanisë, mes 52 sportisteve nga e gjithë bota.
CLUJ-NAPOCA — Sportistja shqiptare Mikela Skandaj u shpall nënkampione bote në karate, pasi fitoi medaljen e argjendtë në Kampionatin Botëror WUKF 2026, duke garuar nën fanellën e Italisë.
Sportistja lezhjane garoi në kategorinë e peshës 60 kg për grupmoshat U16-U17, ku u përballën 52 sportiste. Ajo arriti të kalojë fazat e garës deri në finale, ku siguroi titullin e nënkampiones. Gara u zhvillua për pesë ditë, me 2.106 sportistë nga 47 shtete e 76 federata.
Përveç medaljes individuale, Skandaj ndihmoi ekipin italian të renditet i dytë në klasifikimin e përgjithshëm, duke siguruar kështu dy medalje argjendi në këtë kampionat.
Burim: Diaspora Shqiptare
— Redaksia ZHURMA