Si arriti Maqedonia e Veriut të ketë çmimet më të ulëta të karburantit në rajon?
Qeveria e Maqedonisë së Veriut zgjat për dy javë të tjera uljen e TVSH-së dhe akcizës për karburantet.
SHKUP — Kryeministri Hristijan Mickoski deklaroi se vendi do të vazhdojë të ketë çmimet më të ulëta të derivateve në rajon, pas vendimit të Qeverisë për zgjerimin e masave të uljes së taksave për karburantet.
Masat do të mbeten në fuqi për dy javët e ardhshme: TVSH-ja për benzinën mbetet e ulur nga 18 në 10 përqind, ndërsa akciza zvogëlohet me 4 denarë për litër për naftën dhe me 2 denarë për litër për benzinën.
Mickoski tha se gjatë "gati tre muajve të krizës energjetike" qeveria jo vetëm që ka siguruar çmimin më të ulët për benzinën dhe naftën, por ka krijuar një fluks të konsumatorëve nga vendet fqinje që vijnë për të furnizuar me karburant.
Burim: Telegrafi
— Redaksia ZHURMA