Menduh Thaçi: Dënimi i Hashim Thaçit erdhi nga spiunimi i rëndë

Kryetari i Partisë Demokratike Shqiptare, Menduh Thaçi, ka deklaruar se dënimi i ish-Presidentit të Kosovës, Hashim Thaçi, nga Gjykata Speciale në shkallë të parë ka ndodhur si rezultat i «spiunimit të rëndë», e jo për shkak të krimeve të kryera. Sipas tij, «njerëzit të cilët 30-40 vjet kanë dalë si luftëtarë kryesorë, kanë spiunuar njëri-tjetrin për ta likfidu Hashimin politikisht, drejtuesin e luftës, Presidentin e Kosovës». Ai shtoi se ky likuidim po tentohet të arsyetohet me një shpjegim historiko-politik se dënimi erdhi si pasojë e interesimit për ndarjen e Kosovës.

Kreu i PDSH-së u bëri thirrje qytetarëve të ruajnë qetësinë dhe paralajmëroi se në muajin nëntor do të hapet vendimi i gjyqit me mbi dy mijë faqe. «Ama aty kush ka dëshmuar ose kush ka spiunuar e ka emrin aty me të zezë», u theksua në deklaratën e tij, ku u bë thirrje edhe për një organizim të fuqishëm politik përballë vështirësive të krijuara.

Hashim Thaçi u dënua me 25 vjet burgim nga Gjykata Speciale më 16 shtator. Në të njëjtin proces, krerët e tjerë të Ushtrisë Çlirimtare të Kosovës morën gjithashtu dënime nga shkalla e parë: Jakup Krasniqi u dënua me 25 vjet burgim, Kadri Veseli me 18 vjet, kurse Rexhep Selimi me 13 vjet.