Thaçi: Ligjin për gjuhët e marr seriozisht kur të ketë plan financiar

Kryetari i Partisë Demokratike Shqiptare, Menduh Thaçi, ka trajtuar çështjen e zbatimit të Ligjit për përdorimin e gjuhëve dhe provimit të jurisprudencës në gjuhën shqipe në Maqedoninë e Veriut. Ai ka deklaruar se ky ligj do të konsiderohet i mirëfilltë vetëm kur të shfaqet një plan i qartë financiar i hartuar nga Ministria e Financave.

Sipas kreut të PDSH-së, analistët dhe ekspertët e partisë kanë llogaritur se për zbatimin e plotë të këtij ligji duhet një shifër prej rreth 470 milionë eurosh. Kjo shumë financiare do të shërbejë për të mbuluar shpenzimet e trajnimit dhe shkollimit të kuadrove, seminaret, pajisjen me diploma e pula, si dhe çështje të tjera administrative.

Në fjalën e tij lidhur me funksionimin e institucioneve publike, ai kërkoi që qytetarëve t'u mundësohen shërbime të mirëfillta në të dyja gjuhët zyrtare, duke shtuar se sporteli duhet të jetë funksional në dy gjuhë dhe jo barra e komunikimit t'i mbetet vetëm palës shqiptare.