Pse kërkon mbrojtja përjashtimin e gjykatëses Bytyqi në rastin "Subvencionet"?

PRISHTINË — Në seancën e së mërkurës në \1 në Prishtinë, në rastin "Subvencionet", mbrojtësi i të akuzuarit Luan Statovci, avokati Naim Rudari, kërkoi përjashtimin e kryetares së trupit gjykues, gjykatëses Medie Bytyqi.

Rudari pretendoi se vendimi për shtyrje të seancës u marrë para fillimit të saj, në zyrë, dhe jo gjatë seancës. "Ajo që e lexoi kryetarja e trupit gjykues nuk u shkrua në procesverbal në kohë reale, por besohet tani që është shkruar në zyrë", deklaroi ai. Avokati shtoi se "qëndrimet tona janë vetëm për sy e faqe sepse vendimi është marrë në zyrë".

Procedura në këtë rast është bashkuar për 28 të akuzuar. Gjashtë prej tyre kanë arritur marrëveshje për pranim fajësie me Prokurorinë, dy të tjerëve u është veçuar procedura, ndërsa 20 akuzohen ende, përfshirë Hasan Maxharraj, Luan Statovci, Salih Statovci, Kumrije Maxharraj, Kujtim Zariqi, Sadat Shkodra, Afërdita Gjokaj, Bejtullah Pira, Feriz Jonuzi, Alban Novosella, Berat Nika, Lulzim Hajdaraj, Bajram Gashi, Artan Elezi, Bashkim Mani, Halil Krasniqi, Almir Abdurrahmani, Ingrit Kuqi, Liridon Fandaj dhe Rasim Zekaj.

Mbrojtësi i të akuzuarit Almir Abdurrahmani, avokati Faton Fetahu, u shpreh kundër kërkesës për përjashtim, duke argumentuar se nuk janë përmbushur bazat e nenit 39 të Kodit të \1.

Fillimisht, kryetarja Bytyqi njoftoi se avokati Arianit Koci kishte kërkuar shtyrje për të akuzuarin Hasan Maxharraj për shkaqe shëndetësore. Prokurori Rafet Halimi kundërshtoi, duke thënë se dokumentet mjekësore "duken të jenë udhëzime të thjeshta". Po ashtu, i akuzuari Salih Statovci mungoi për shkaqe shëndetësore.

Gjykatësja Bytyqi anuloi seancat e radhës deri në vendimin e kryetarit të Gjykatës Themelore për kërkesën e Rudarit, si dhe anuloi urdhëresën për sjellje me shoqërim të Maxharrajt dhe Statovcit.

Burim: Lajmi.net
— Redaksia ZHURMA