Mbreti i Holandës i dërgon letër urimi Presidentes Shiroka Pula

Presidentja e Kosovës, Justina Shiroka Pula, ka pranuar një letër urimi nga Mbreti i Holandës, Willem-Alexander R., me rastin e marrjes së detyrës dhe zgjedhjes së saj në krye të shtetit. Sipas njoftimit të Presidencës, monarku holandez ka shprehur bindjen se marrëdhëniet dypalëshe ndërmjet dy vendeve do të vazhdojnë të zhvillohen dhe të thellohen në të mirë të të dy popujve. Në mesazhin e dërguar, ai gjithashtu ka konfirmuar gatishmërinë për vazhdimin e bashkëpunimit të ngushtë ndërmjet Kosovës dhe Holandës, ndërsa në përfundim i ka uruar sukses në përmbushjen e përgjegjësive shtetërore.

Siç raportoi Zhurma më 6 nëntor 2026, krerë institucionesh dhe personalitete të ndryshme vendase e ndërkombëtare i kanë dërguar më parë mesazhe urimi presidentes Shiroka-Pula për marrjen e mandatit të ri.