Mblidhet Kryesia e Kuvendit për caktimin e seancës së radhës

Kryesia e Kuvendit të Kosovës mblidhet për të shqyrtuar propozimin e rendit të ditës për seancën e ardhshme plenare. Agjenda parasheh miratimin e procesverbaleve paraprake, deklarimet jashtë rendit të ditës dhe pyetjet parlamentare.

Gjatë mbledhjes pritet të trajtohet përzgjedhja e dy anëtarëve joekzekutivë të Bordit të Bankës Qendrore të Republikës së Kosovës, si dhe formimi i Komisionit Ad-Hoc për përzgjedhjen e kandidatëve për Bordin e Radiotelevizionit të Kosovës, që përfshin dy anëtarë nga komuniteti shqiptar, një nga ai serb dhe një nga komunitetet jo shumicë. Po ashtu, në rend dite përfshihet edhe propozimi nga Grupi Parlamentar Lista Serbe për emërimin e deputetëve në komisionet parlamentare.