Ndahen për herë të dytë Vinicius Junior dhe Virginia Fonseca

Futbollisti i Real Madridit, Vinicius Junior, dhe influencuesja braziliane, Virginia Fonseca, janë ndarë sërish. Vendimi për përfundimin e lidhjes erdhi pas raportimeve për një krizë në çift dhe u bë i ditur zyrtarisht të dielën, më 11 tetor, nga përfaqësuesit e Virginia-s.

Sipas medieve braziliane, vendimi u mor me mirëkuptim nga të dyja palët, pa debate apo konflikte mes tyre, ndërsa arsyet e sakta të këtij hapi nuk janë bërë publike. Lajmi vjen më pak se një muaj pasi dyshja kishte shfaqur publikisht unazat e lidhjes.

Romanca e tyre kishte nisur në tetor të vitit 2025. Pas një ndarjeje të mëparshme, ata ishin ribashkuar gjatë periudhës së Kupës së Botës 2026 dhe më pas ishin parë bashkë në disa evente publike, përfshirë Çmimin e Madh të Spanjës në Formula 1. Dyshimet e fundit u ngritën kur u raportua për një mosmarrëveshje të mundshme në Madrid dhe për udhëtimin e influencueses drejt Majamit bashkë me fëmijët, për të cilin u sqarua se ishte planifikuar që vajzat, Maria Alice dhe Maria Flor, të takonin babanë e tyre, Ze Felipe.