Mbi 1600 gjoba trafiku dhe dhjetëra aksidente gjatë 24 orëve
Raporti ditor i Policisë së Kosovës shënon 1614 gjoba, dhjetëra aksidente e dhjetëra të arrestuar.
Redaksia ZHURMA · · Përditësuar · 1 min lexim
Policia e Kosovës ka publikuar raportin ditor që përfshin statistikat e sigurisë rrugore dhe të rendit publik për 24 orët e fundit. Gjatë kësaj kohe, nga ana e autoriteteve policore janë shqiptuar gjithsej 1614 gjoba trafiku.
Në statistikat e paraqitura bëhet e ditur se nuk është shënuar asnjë rast me fatalitet, ndërsa janë regjistruar 31 aksidente me dëme materiale dhe 32 aksidente me të lënduar. Po ashtu, gjatë kësaj periudhe janë arrestuar 21 persona, prej të cilëve 17 janë dërguar në mbajtje.
