Mbappé shënon rekord historik me Francën në Botëror
Pse mohon ylli francez se dopieta ndaj Senegalit ishte hakmarrje ndaj kritikëve?
NEW JERSEY — Kylian Mbappé shënoi dy gola në fitoren 3-1 të Francës ndaj Senegalit në hapjen e Kupës së Botës 2026, duke u bërë golashënuesi më i mirë në historinë e kombëtares franceze me 58 gola, tejkaluar Olivier Giroud.
Sulmuesi i Real Madridit hodhi poshtë pretendimet se paraqitja e tij ishte përgjigje ndaj kritikëve që e kanë sulmuar pas një sezoni të vështirë në Spanjë. “Unë luaj për të shkruar historinë e vendit tim”, deklaroi ai, duke shtuar se çdo gol i kushtohet familjes, të afërmve dhe miqve në stadium.
I pyetur nëse ndeshja ishte hakmarrje ndaj kritikëve spanjollë, Mbappé u përgjigj me ironi: “Nuk ka asnjë hakmarrje. Nëse do të luaja për t’ua mbyllur gojën të gjithëve, do të më duhej të luaja deri në moshën 80-vjeçare”.
27-vjeçari e nisi turneun nën presion të madh pas një sezoni zhgënjyes me Real Madridin, ku një peticion i tifozëve për largimin e tij kishte mbledhur mbi një milion nënshkrime. Tani Franca përqendrohet te ndeshja e radhës kundër Irakut në Filadelfia, me synim kualifikimin në fazën eliminatore dhe rikthimin e trofeut të fituar në 2018.
Burim: Gazeta Express, https://www.gazetaexpress.com/mbappe-nuk-luaj-per-tua-mbyllur-gojen-kritikeve/
— Redaksia ZHURMA