Buffet pranon: Franca pezulloi kontrolllet antidoping para Botërorit 1998
Ish-ministrja e Sportit e kontradikon dëshminë e saj të vitit 2013; mjeku Garnier thotë urdhri mund të ketë ardhur nga Matignon.
PARIS — Ish-ministrja franceze e Sportit, Marie-George Buffet, ka pranuar në dokumentarin "Zidane, fabrika e një legjende" se kontrolllet e papritura antidoping ndaj kombëtares franceze u pezulluan para Kupës së Botës 1998, duke kontradikuar dëshminë e saj të vitit 2013 para Senatit ku kishte thënë: "Ne nuk kemi dhënë kurrë një udhëzim të tillë".
Në vitet 1997, lojtarët francezë iu nënshtruan një kontrolli të papritur në Tignes gjatë grumbullimit. Testet ishin negative, por reagimi i skuadrës, të trajnerit Aimé Jacquet dhe Federatës Franceze të Futbollit ishte i ashpër, duke pretenduar se kontrolllet dëmtonin përgatitjen.
Alain Garnier, mjeku i dërguar nga Ministria e Sportit në Tignes, ka treguar se Buffet i kishte komunikuar gojësisht: "Nuk duhej të shqetësoja më lojtarët deri në Kupën e Botës. Me fjalë të tjera, nuk do të kishte më kontrollle të papritura".
Tashmë edhe Buffet e pranon këtë version: "Pas Kupës së Botës ne rifilluam luftën kundër dopingut", duke shtuar se udhëzimi "me shumë mundësi kishte ardhur nga nivele më të larta të administratës". Sipas Garnier, urdhri mund të ketë ardhur nga Matignon, selia e kryeministrisë.
Franca, e udhëhequr nga Zinedine Zidane, fitoi më pas për herë të parë Kupën e Botës 1998, duke mposhtur Brazilin 3-0 në finalen e Parisit.
Burim: Top Channel
— Redaksia ZHURMA
