Kur do të hiqet roamingu për Maqedoninë e Veriut me BE-në?

SHKUP — Ministri për transformim digjital Stefan Andonovski paralajmëroi se Maqedonia e Veriut po finalizon heqjen e tarifave shtesë të roamingut në Bashkimin Evropian. Qytetarët do të flasin, dërgojnë mesazhe dhe përdorin internet në vendet anëtare të BE-së me të njëjtat çmime si në vendin e tyre.

Procesi ndodhet në fazë të avancuar: teksti i harmonizuar i është dërguar BE-së për mendim zyrtar. Pas dritës së gjelbër nga Brukseli, ndryshimet ligjore do të kalojnë në Kuvend. Pyetjet shtesë të Komisionit Evropian para dy javësh nuk e kanë ngadalësuar punën, sipas Andonovskit.

Ministri lidhi reformën digjitale me rrugëtimin eurointegrues, duke theksuar se çdo lëshim i ardhshëm "nuk guxon të jetë në dëm të interesave kombëtare maqedonase", veçanërisht kur negociatat ende nuk kanë filluar zyrtarisht.

Burim: Telegrafi
— Redaksia ZHURMA