Si do të deklarojnë qytetarët e Maqedonisë dhurimin e organeve?

— Qytetarët e Maqedonisë së Veriut do të kenë mundësi të deklarojnë vullnetin e tyre për dhurimin e organeve pas vdekjes përmes modulit të ri në sistemin elektronik “Termini Im”. Ky mekanizëm hyn në fuqi nga data 1 tetor 2026, duke thjeshtuar procedurat për ata që dëshiron të kontribuojnë në shpëtimin e jetëve të tjerëve.

Gordana Loleska, kryetarja e shoqatës “Është rrallë të jesh i rrallë”, e ka cilësuar këtë veprim si aktin më të lartë të humanizmit. Ajo thekson se dhurimi i organeve përfaqëson një vendim që, edhe në momentet më të vështira, mund t’i japë shpresë dhe një mundësi të re jete personave që vuajnë.

Loleska shpjegon se për shumë pacientë me sëmundje të rralla, transplantimi i veshkës, mëlçisë ose mushkërive mbetet shpresa e vetme. Sipas saj, shumë nga këta pacientë përballen me diagnoza që me kalimin e kohës dëmtojnë organet vitale, duke e bërë transplantimin të vetmin shpëtim të mbetur për mbijetesë.

Aktivistja e folu me ndjeshmërinë e një prindi, duke treguar se fëmija i saj ndodhet aktualisht në listën e pritjes për transplantim. Ajo përshkruan përditshmërinë e tyre si një betejë ku e ardhmja varet vetëm nga një telefonatë, duke theksuar se dhimbja më e madhe është pafuqia përballë sëmundjes së një anëtari të familjes.

Ky njoftim vjen në kuadër të fushatës kombëtare me moton “Dhurimi i organeve i jep kuptimin më të lartë humanizmit”. Implementimi i sistemit elektronik synon të rrisë numrin e dhuruesve vullnetarë në Maqedoninë e Veriut, duke shndërruar pritjen e gjatë dhe të pasigurt në mundësi konkrete për jetë.

Burim: Shenja
— Redaksia ZHURMA