Maqedonci: FSK-së i dhurohet roboti i parë tokësor pa ekuipazh
Forca e Sigurisë së Kosovës është pajisur me robotin e parë tokësor pa ekuipazh, prodhuar nga kompania kosovare-amerikane STRIDAR.
Redaksia ZHURMA · · Përditësuar · 1 min lexim
Ministeri i Mbrojtjes i Kosovës, Ejup Maqedonci, ka njoftuar se Forca e Sigurisë së Kosovës është pajisur me një robot tokësor pa ekuipazh me numër serik SR-4-001-KS. Mjeti robotik është prodhuar nga kompania kosovare-amerikane STRIDAR dhe përbën automjetin e parë të këtij lloji të prodhuar brenda vendit.
Maqedonci theksoi se ky zhvillim përfaqëson një hap të rëndësishëm për forcimin e industrisë vendore të mbrojtjes. Sipas ministrit, mjetet e tilla funksionojnë pa operator, mund të drejtohen nga distanca ose të operojnë në mënyrë autonome, ndërsa mund të shërbejnë për vëzhgim, transport pajisjesh, mbështetje në zona me rrezik apo të pajisen me sisteme armatimi.
Marrëveshja për këtë donacion u nënshkrua nga ministri dhe përfaqësuesi i kompanisë STRIDAR, Nils Alstad. Teknologjitë e tilla me përdorim të dyfishtë mund t'i shërbejnë njëkohësisht nevojave të sigurisë dhe atyre civile.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar