Maluma feston ditëlindjen e partneres me momente familjare

Këngëtari kolumbian Maluma ka ndarë me ndjekësit në rrjetet sociale disa fotografi të realizuara gjatë një udhëtimi me varkë, me rastin e ditëlindjes së partneres së tij, Susana Gomez. Artisti 32-vjeçar publikoi në Instagram imazhe ku shfaqet së bashku me partneren dhe dy fëmijët e tyre, vajzën dyvjeçare Paris dhe djalin e vogël Orion, vetëm shtatë javësh. Susana festoi 34-vjetorin e lindjes më 11 nëntor, ndërsa këngëtari e shoqëroi urimin me mbishkrimin e shkurtër «11:11».

Çifti mirëpriti në jetë fëmijën e tyre të dytë në muajin shtator. Lajmin e bënë publik përmes një fotografie bardhë e zi ku artisti mban në krahë të porsalindurin, ndërsa përqafon partneren. Më parë, në muajin maj, këngëtari kishte zbuluar se do të bëhej baba për herë të dytë, përmes një fotografie ku shfaqej me vajzën Paris duke puthur barkun e rrumbullakosur të Susanës.

Në një intervistë për revistën «Allure», Maluma ka folur për ndikimin që ka pasur atësia në jetën e tij, duke treguar se ardhja në jetë e fëmijëve i ka ndryshuar rrënjësisht prioritetet. «Gjithçka ndryshoi. Dhe unë e dua këtë», kishte deklaruar ai, duke shtuar se dëshiron të jetë një shembull i mirë për fëmijët e tij dhe t'i bëjë ata krenarë.