Makinë përplas karrocën e një foshnjeje në Korçë
Vetë shoferi e çoi fëmijën e plagosur në urgjencën e Spitalit të Korçës; mjekët thonë se ai është jashtë rrezikut.
Redaksia ZHURMA · · 1 min lexim
KORÇË — Një makinë përplasi pasdite të sotme karrocën e një fëmije 1 vjeç e gjysmë në lagjen 10 të qytetit, në zonën e njohur si "Dritat e Verdha". Sipas informacioneve paraprake, nëna po kalonte rrugën bashkë me fëmijën kur mjeti goditi karrocën.
Vetë drejtuesi i automjetit e transportoi fëmijën drejt Urgjencës së Spitalit të Korçës, menjëherë pas ngjarjes. Sipas burimeve nga bluzat e bardha, i mituri ndodhet jashtë rrezikut për jetën dhe po merr ndihmën e nevojshme mjekësore.
Policia po kryen procedurat përkatëse me drejtuesin e mjetit, ndërsa hetimet vijojnë për zbardhjen e plotë të rrethanave në të cilat ndodhi aksidenti në zonën "Dritat e Verdha".
Burim: Syri.net
— Redaksia ZHURMA
