Pse logopedia Mirgena Preniqi thotë se fëmijëria pa telefona ishte më e shëndetshme?
Mirgena Preniqi paralajmëron se ekranet po zëvendësojnë mësuesin e parë të fëmijëve.
PRISHTINË — Logopedia Mirgena Preniqi vlerëson se gjeneratat që janë rritur pa telefona dhe rrjete sociale kanë pasur fëmijëri më të shëndetshme, sidomos në komunikim, përqendrim dhe zhvillim emocional.
Në podcastin “Shëndeti në rend të parë”, të përkrahur nga United Hospital, Preniqi tha se në moshën kritike të zhvillimit fëmijët sot e kanë mësuesin e parë ekranin, “që është totalisht gabim”. Sipas saj, mungesa e teknologjisë në vitet e hershme i shtynte fëmijët drejt komunikimit real, lojërave fizike dhe ndërveprimit social.
Preniqi paralajmëroi se ekspozimi i hershëm ndaj telefonave po lidhet gjithnjë e më shumë me probleme në zhvillimin e të folurit, mungesë përqendrimi dhe vështirësi komunikimi.
Burim: Telegrafi
— Redaksia ZHURMA