Si i përgjigjet Fatmir Limani kërkesës së VLEN-it për shkarkim?
Ministri Fatmir Limani zgjodhi të përgjigjet në maqedonisht kur u pyet në shqip nëse do të mbetet pjesë e kabinetit pas rikonstruimit të qeverisë.
SHKUP — Si do të pozicionohet ministri Fatmir Limani pas ndryshimeve të paralajmëruara në kabinetin qeveritar? I pyetur në shqip nëse do të vazhdojë të jetë ministër, ai zgjodhi të përgjigjet në maqedonisht, duke deklaruar se pozicionet e tilla nuk janë vendimtare.
Kryeministri Hristian Mickoski pritet të takojë partnerët e koalicionit këtë fundjavë për ndryshimet në kabinet. Ndonëse koalicioni VLEN po kërkon shkarkimin e tij, Limani theksoi se rëndësi ka vetëm kontributi që një funksionar lë pas në institucion.
Edhe ministra të tjerë po japin të njëjtën përgjigje evazive përballë rrezikut të largimit. Limani insistoi se zyrtarët duhet të punojnë “deri në atomin e fundit” dhe jo të merren me fatin e tyre. Sipas tij, çdo gjë do të varet nga shenjat e lëna në ato salla.
Burim: Gazeta Express
— Redaksia ZHURMA