Pse akuzon LDK Kurtin për pangopësi për pushtet?

PRISHTINË — Nënkryetarja e Lidhjes Demokratike të Kosovës, Doarsa Kica-Xhelili, ka akuzuar kryeministrin në detyrë, Albin Kurti, se vendi është çuar në zgjedhje për shkak të "pangopësisë për pushtet". Gjatë debatit zgjedhor, ajo deklaroi se Kurti synon të përqendrojë sa më shumë pushtet në duart e tij, duke pretenduar se dëshiron të kontrollojë institucionet kryesore të shtetit.

"Kristal e qartë, Kosovën e ka çuar në zgjedhje pangopësia për pushtet. Një kryeministër në detyrë që dëshiron të jetë edhe kryeministër, edhe kryetar, edhe president, e madje edhe kryeprokuror", tha Kica-Xhelili.

Sipas saj, deklaratat e fundit të Kurtit për sistemin prokurorial tregojnë synimin për të cenuar pavarësinë e institucioneve të drejtësisë. Ajo citoi një intervistë ku Kurti bën krahasime mes sistemit prokurorial të Kosovës dhe atij amerikan, duke lënë të kuptohet se Kosova nuk ka nevojë për një prokurori të pavarur. Kica-Xhelili shtoi se Vetëvendosjes i konvenon kriza politike aktuale, pasi kjo shmanget vëmendjen nga "hajninë dhe matrapazllëqet" në institucionet shtetërore.

Burim: Zëri
— Redaksia ZHURMA