Kylian Mbappe synon rekordin historik të Cristiano Ronaldos

Sulmuesi Kylian Mbappe ka arritur të shënojë në gjashtë ndeshje radhazi në Ligën e Kampionëve, duke barazuar serinë më të mirë të karrierës së tij të vendosur në vitin 2022 gjatë periudhës kur luante për Paris Saint-Germain. Me këtë ecuri pozitive, francezi është shndërruar në futbollistin e dytë në historinë e Real Madridit që realizon në të paktën gjashtë takime radhazi brenda garës elitare evropiane.

Seria e deritanishme e sulmuesit mbetet e hapur, pasi ai ka gjetur rrugën e rrjetës kundër Bayern Munich, Interit, Romës, RB Leipzig dhe së fundmi ndaj AEK-ut. Përpara tij në historinë e klubit ndodhet vetëm Cristiano Ronaldo, i cili mes finales së Cardiffit në vitin 2017 dhe muajit prill 2018 pat shënuar në njëmbëdhjetë ndeshje radhazi të këtij kompeticioni.

Për të arritur shifrën e portugezit, Real Madridit i duhet të përballet në ndeshjet e ardhshme të këtij sezoni me PSV Eindhoven, Arsenalin, LASK-un dhe Shakhtarin, ndërsa Mbappe do të duhet të shënojë edhe në fazën e 1/8-tës për të kompletuar rekordin.