Ligji për KPM-në dhe sulmet e politikanëve rrezikojnë lirinë e mediave
Juristja e mediave thotë se miratimi nga Kuvendi i Ligjit për Komisionin e Pavarur për Media dhe financimi i pamjaftueshëm i RTK janë faktorë kryesorë
PRISHTINË — Juristja e mediave, Flutura Kusari, ka ndarë pjesë nga raporti “Kosovë: Rikthimi i lirisë së medias pas rënies” i bërë nga raporti i misionit faktmbledhës. Kusari ka bërë të ditur faktorët kryesorë të këtij vlerësimi, ku një ndër to është edhe miratimi nga Kuvendi i Ligjit për Komisionin e Pavarur për Media (ligjit për media) – i cili më pas u shpall antikushtetues – që do të rriste kontrollin politik mbi KPM, financimi i pamjaftueshëm dhe presionet ndaj Radio Televizionit të Kosovës (RTK), si dhe shtimi i vazhdueshëm i sulmeve verbale dhe denigrimit të gazetarëve nga politikanë të partisë në pushtet.
Ky raport është realizuar më datat 24–26 mars 2026, ku partnerët e Platformës së Këshillit të Evropës për Promovimin e Mbrojtjes së Gazetarisë dhe Sigurisë së Gazetarëve organizuan një mision faktmbledhës në Prishtinë. Raporti është rezultat i misionit faktmbledhës dhe është hartuar nga anëtarët e delegacionit dhe pasqyron gjetjet kryesore dhe ofron rekomandimet përkatëse.
Burim: Gazeta Metro
— Redaksia ZHURMA