Çfarë diskutoi Kurti me zyrtarin e NATO-s për Xhandarmërinë e Kosovës?
Kryeministri në detyrë Albin Kurti priti në Prishtinë ambasadorin Kevin Hamilton, duke folur për mbrojtjen dhe konceptin e Xhandarmërisë së Kosovës.
PRISHTINË — Kryeministri në detyrë Albin Kurti u takua me Zëvendës Ndihmës Sekretarin e Përgjithshëm për Partneritete në NATO, ambasadorin Kevin Hamilton, në vizitën e tij të parë në Kosovë.
Gjatë takimit u diskutua thellimi i bashkëpunimit me NATO-n, zhvillimet në fushën e teknologjisë dhe mbrojtjes, si dhe prodhimi i municionit në Kosovë. U trajtuan gjithashtu siguria në rajon dhe zhvillimet politike aktuale.
Në pyetjen e Hamiltonit, Kurti shpjegoi konceptin e themelimit të Xhandarmërisë së Kosovës, duke theksuar nevojën e kësaj strukture për forcimin e sigurisë dhe koordinimin me KFOR-in dhe NATO-n.
Burim: Telegrafi
— Redaksia ZHURMA