Kurti pret deputeten e re shqiptare të kantonit të Bernës
Deputetja e zgjedhur nga Partia Socialdemokrate diskutoi me kryeministrin për arsimin, barazinë e mundësive dhe fuqizimin e grave në politikë.
PRISHTINË — Kryeministri në detyrë i Kosovës, Albin Kurti, ka pritur në takim deputeten me origjinë shqiptare në Parlamentin e Kantonit të Bernës në Zvicër, Shasime Osmani. Kurti e uroi deputeten e sapozgjedhur nga radhët e Partisë Socialdemokrate për detyrën e saj të re në parlamentin kantonal.
Gjatë këtij takimi, ata biseduan për rëndësinë e arsimit, barazinë e mundësive dhe fuqizimin e grave në politikë, si dhe për bashkëpunimin ndërmjet Kosovës dhe Zvicrës. Kryeministri vlerësoi rrugëtimin e znj. Osmani si një shembull frymëzues për të rinjtë dhe komunitetin në diasporë.
Burim: Lajmi.net, https://lajmi.net/kurti-pret-ne-takim-deputeten-e-parlamentit-kantonal-te-bernes-ne-zvicer-shasime-osmani/
— Redaksia ZHURMA