Si u zbulua udhëtimi i Kurtit në Greqi që ZKM nuk e njoftoi?
Vox Kosova publikoi foto ku kryeministri shfaqet në rresht të parë të simpoziumit të 28-të Ndërkombëtar të Symi-t, që zhvillohet nga 5 deri më 9 korrik.
SYMI — Kryeministri në detyrë, Albin Kurti, po merr pjesë edhe këtë vit në simpoziumin filozofik të Symi-t në Greqi, siç dëshmojnë fotografitë e publikuara nga media Vox Kosova, ku ai shfaqet në rresht të parë të ngjarjes. Zyra e Kryeministrit (ZKM) nuk ka dhënë asnjë njoftim zyrtar për këtë udhëtim jashtë vendit.
Simpoziumi ndjek traditën e filozofëve antikë grekë dhe këtë vit zhvillon edicionin e 28-të Ndërkombëtar, nga 5 deri më 9 korrik, nën titullin "Zemërimi i Akilit dhe paralajmërimi i Kasandrës: Fuqizimi i Demokracisë dhe Zbutja e Pushtetit."
Publikimi i fotografive nga një medium i pavarur, në vend të një njoftimi zyrtar, lë hapësirë për pyetje rreth transparencës së udhëtimeve të kryeministrit në detyrë.
Burim: Demokracia
— Redaksia ZHURMA
