Pse nuk u zgjodh presidente Feride Rushiti me 63 vota sipas Kurtit?

PRISHTINË — Kryeministri në detyrë Albin Kurti ka sqaruar arsyet pse Kosova nuk arriti të zgjedhë presidenten në procedurën e fundit parlamentare, duke iu referuar kandidaturës së Feride Rushitit.

Sipas Kurtit, problemi nuk ka qenë numri i votave të kandidatës. Rushiti pati 63 vota, por procedura u bllokua nga mungesa e kuorumit prej 81 deputetësh të nevojshëm për vazhdimin e procesit në Kuvend.

"E propozuam Feride Rushitin si kandidate. Ajo i pati 63 vota, mirëpo nevojitej kuorumi prej 81 deputetësh dhe nuk kishim si të procedonim më tutje. Me fjalë të tjera, Kosova kishte një presidente, por Kuvendi nuk kishte kuorum, sepse në rundin e tretë 61 vota janë më se të mjaftueshme", tha Kurti.

Në rundin e tretë të votimit kërkohen 61 vota për zgjedhjen e presidentit, por Kuvendi duhet të ketë kuorum për të vazhduar seancën.

Burim: Zëri
— Redaksia ZHURMA