Kurti kërkon zhbllokimin e mbi 2.1 milionë eurove nga Serbia

Kryeministri në detyrë i Kosovës, Albin Kurti, ka kërkuar zhbllokimin e mbi 2.1 milionë eurove të bllokuara nga institucionet e Serbisë, të cilat ishin ndara nga Qeveria e Kosovës për shqiptarët në Preshevë, Bujanoc, Medvegjë dhe Sanxhak. Gjatë një takimi me përfaqësues të organizatave, mediave, arsimit dhe kulturës, u diskutua për vështirësitë dhe diskriminimin institucional me të cilin përballen shqiptarët në këto treva.

Më parë, Qeveria kishte ngritur shqetësimet rreth shkeljes së të drejtave të shqiptarëve në Luginë, ndërsa tani bëhet fjalë për bllokimin e dy transfereve financiare prej 304,511.16 eurosh dhe 1,837,511.16 eurosh të destinuara për 136 projekte.