Pse akuzohet Kurti se është kapur nga mafia energjetike?
Deputetja e LDK-së Janina Ymeri thotë se administrata e tij është e kapur nga mafia energjetike dhe se nuk i është vërtetuar që rryma nuk merret nga Vuk Hamoviq
Redaksia ZHURMA · · Përditësuar · 1 min lexim
PRISHTINË — Deputetja e zgjedhur e LDK-së, Janina Ymeri, ka akuzuar administratën e Albin Kurtit se është e kapur nga mafia energjetike. Ajo tha se asnjëherë nuk i është vërtetuar që rryma nuk merret nga Vuk Hamoviq. "Këta me mafi energjetike e kanë keq, po tani me qata janë bo", ka thënë Ymeri në DPT Te Fidani në Klan Kosova.
Ymeri vijoi duke thënë se situata me gazin amerikan nuk ka të bëjë me ndonjë inat të Kurtit me Amerikën, por vetëm me profiterizëm dhe me të qenit "të kapur nga mafia". "Prej kujt e marrim na rrymën, edhe kujt ia japim rrymën, nuk janë prodhues". "Me ideologji s’ka. Profiterizëm. Nuk është najfar interesi a najfar inati me Amerikë, që po i shoh do media, po është: fiton ma shumë prej importit. Edhe mendoj që janë të kaptë prej mafisë energjetike edhe interesat që i kanë pasë para se me ardhë në Qeveri janë veç t’u i shty tutje".
Burim: Klan Kosova, https://klankosova.tv/jane-te-kapur-prej-mafise-energjetike-ymeri-per-refuzimin-e-gazit-amerikan-video-1/
— Redaksia ZHURMA
