Lajme
KOS
Kur është namazi i Kurban Bajramit dhe çfarë do të përmbajë hytba e Myftiut Tërnava?
BIK njoftoi programin fetar dhe shtetëror për festën e Kurban Bajramit në Prishtinë.
Redaksia ZHURMA
00:20
Përditësuar 01:57
1 min lexim
PRISHTINË — Bashkësia Islame e Kosovës njoftoi se Namazi i Kurban Bajramit do të falet në orën 5:40 në Xhaminë e Madhe të kryeqytetit. Namazit do t'i prijë Mustafë ef. Dallku, ndërsa hytben — mesazhin e festës — do ta mbajë Myftiu i Kosovës, Naim ef. Tërnava.
Kryesia e BIK-ut organizon pritje për urime në selinë e saj në Prishtinë, nga ora 9:00 deri në 12:00. Po aty, në orën 10:30, ushtruesja e detyrës së presidentes Albulena Haxhiu do të vizitojë Bashkësinë Islame me rastin e festës.
Në orën 11:15, Haxhiu pret në takim kongresistët amerikanë Keith Self dhe Suhas Subramanyam në Kabinetin e Presidentes.
Burim: RTV21
— Redaksia ZHURMA